Lavrov: Bombardimet izraelite të Gazës shkelin ligjin ndërkombëtar

14:30 | 28 Tetor 2023
K.B

Ministri i Jashtëm rus Sergei Lavrov tha se bombardimi i Gazës nga Izraeli është kundër ligjit ndërkombëtar dhe rrezikon të shkaktojë një katastrofë që mund të zgjasë për dekada.

“Ndërsa ne dënojmë terrorizmin, ne kategorikisht nuk biem dakord se mund t’i përgjigjemi terrorizmit duke shkelur rregullat e së drejtës ndërkombëtare humanitare, siç është përdorimi pa dallim i forcës kundër objektivave ku dihet se janë të pranishëm civilët, përfshirë pengjet e kapur”, tha Lavrov.

Është e pamundur, shtoi ai, të shkatërrohet Hamasi, siç është zotuar të bëjë Izraeli pa shkatërruar Gazën së bashku me shumicën e popullsisë së saj civile.

“Nëse Gaza shkatërrohet dhe 2 milionë njerëz dëbohen, siç sugjerojnë disa politikanë në Izrael dhe jashtë saj, kjo do të shkaktojë një katastrofë që do të zgjasë për shumë dekada, nëse jo shekuj”, paralajmëroi Lavrov./abcnews.al

Shpërndaje në rrjete sociale

Lajmet më të lexuara

Të ngjashme

Foto lajm